Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Click above to listen this ghazal in Parveen Shakir’s own voice.
baKht se ko’ii shikaayat hai na aflaak se hai
yahii kyaa kam hai ke nisbat mujhe is Khaaq se hai
Khwaab meN bhi tujhe bhuluuN tau rawaa rakh mujhse
vo rawaiyya jo hawaa ka Khas-o-Khashaak se hai
bazm-e-anjum meN qabaa Khaaq kii pahnii maine
aur merii saarii faziilat isii poshaak se hai
itnii raushan hai terii subH ke dil kahtaa hai
ye ujaala to kisi deeda-e-namnaak se hai
haath to kaat diye kuuzagaroN ke hamne
mo’azae kii wahii ummid magar chaak se hai
Parveen Shakir
{ 3 comments… read them below or add one }
nisbat mujhe is khaq se hai
This is one of the best ghazals of Parveen Shakir. Subhan Allah:)
Waah Waa ! Bahot Khoob ! ! ! Zindabad ! ! !