(5 votes, average: 5.00 out of 5)
Loading ...3,027 views
Click above to listen this ghazal in Jaun’s own voice.
gaahe gaahe bas ab yahi ho kya
tumse milkar bahut khushi ho kya
mil rahi ho bade tapaak ke saath
mujhko yaksar bhula chuki ho kya
yaad hain ab bhi apne khwaab tumhein
mujhse milkar udaas bhi ho kya
bas mujhe yunhi ek khyaal aaya
sochti ho to sochti ho kya
ab meri koii zindagi hi nahin
ab bhi tum meri zindagi ho kya
kya kaha, ishq jaawidaani hai
aakhri baar mil rahi ho kya
haan, fazaa yaan ki soyi soyi si hai
to bahut tez roshni ho kya
mere sab tanz be-asar hi rahe
tum bahut door jaa chuki ho kya
dil mein ab soz-e-intizaar nahin
shamm-e-ummid ! bujh gayi ho kya
Jaun Elia
{ 4 comments… read them below or add one }
“shayed”
her bar mere samney ati rahi hoo tum
her bar tum say mil k bicharta raha hoon main
tum kaun hoo ye khud bhi nahi janti hoo tum
main kaun hoon ye khud bhi nahi janta hoon main
tum mujh ko jaan ker he pari hoo azaab main
or is tarha khud apni saza bun gaya hoon main .
>
hay mohabbat hayaat kee lazat
warna kuch lazat e hayaat nahi
“any jaun lover can contact me on da given id :
adeelali727@hotmail.com
Hi. I’m male 43 currently doing my MSc in Glasgow University Glasgow. For the last ten years, i’ve been looking for a jhon aalya’s ghazal which was like this:
‘Unke wahan say uth kay main apney makan tak agay
itni se baat thee zara laikin gali gali gaee.’
I mean radeef was Gali Gali Gai. Could any one help me in finding that Ghazal?
Thank You
Sajid
I have created Devanagari version of this Urdu poetry on my blog.
Sajid bhai,
main ne aaj parha aap ka message, warna yaqeenan pehle hi aap ki madad kar leta. ab tak to yaqeenan aap ko bhi mil gaii hogi ghazal.
yeh ghazal abhi tak to chappi nahin, shayad aane wale majmoo´on mein chap jaaye.
haalat-e-haal ke sabab haalat-e-haal bhi gaii
shouqe mein kuch nahin gaya shouqe ki zindagi gaii
aap ka shair:
uski gali se uth ke main aan para tha apne ghar
aik gali ki baat thi aur gali gali gaii