(23 votes, average: 3.35 out of 5)
Loading ...2,919 views
Click to listen this Ghazal in Fana Nizami Kanpuri’s own voice.
ghar hu’aa, gulshan hu’aa, sehraa hu’aa
har jagaah meraa junuuN rusvaa hu’aa
Ghairat-e-ahl-e-chaman ko kyaa hu’aa
chhoR aaye aashiyaaN jaltaa hu’aa
maiN tau pahuNchaa, ThokareiN khaataa hu’aa
manziloN par Khizr kaa charchaa hu’aa
husn kaa chehraa bhi hai, utraa hu’aa
aaj apne gham kaa andaazaa hu’aa
Gham se naazuk, zabt-e-gham ki baat hai
ye bhi daryaa hai magar, Thehraa hu’aa
ye imaarat to ibaadat-gaaH hai
is jagaah ek mai-kadaa thaa, kyaa hu’aa
is taraah raaHbar ne luuTaa karvaaN
ai Fana raahzan ko bhi sadmaa hu’aa
rahtaa hai maiKhaane ke hi aas paas
shaiKh bhi hai aadmii pahuNchaa hu’aa
Fana Nizami Kanpuri
{ 2 comments… read them below or add one }
ghar huvaa, gulshan huvaa, sehraa huvaa
har jagaah meraa junuuN ruswaa huvaa
Ghairat-e-ahl-e-chaman ko kyaa huvaa
chhoR aaye aashiyaaN jaltaa huvaa
maiN tau pahuNchaa, ThokareiN khaataa huvaa
manziloN par Khizr kaa charchaa huvaa
husn kaa chehraa bhi hai, utraa huvaa
aaj apne gham kaa andaazaa huvaa
Gham se naazuk, zabt-e-gham ki baat hai
ye bhi daryaa hai magar, Thehraa huvaa
This Urdu Ghazal has been posted to my blog