hijaaboN meN bhii tuu numaayaaN numaayaaN

1 comment

hijaaboN meN bhii tuu numaayaaN numaayaaN
farozaaN farozaaN daraKhshaaN daraKhshaaN

tere zulf-o-ruKh ka badal dhuuNdtaa huN
shabistaaN shabistaaN charaaGhaaN charaaGhaaN

Khat-o-khaal kii tere parchhaaiyaaN haiN
KhayaabaaN KhayaabaaN gulistaaN gulistaaN

junuun-e-muHabbat un aaNkhoN kii waHshat
bayaabaaN bayaabaaN GhazalaaN GhazalaaN

lapaT mushk-e-gesuu kii taataar taataar
damak la’l-e-lab kii badakshaaN badakshaaN

vahii ek tabassum chaman dar chaman hai
vahii pankhurii hai gulistaaN gulistaaN

saraasar hai tasviir jam’eetoN (?) kii
muHabbat kii duniyaa harasaaN harasaaN

yahii jazb-e-pinhaaN kii hai daad kaafii
chale aao mujh tak gurezaaN gurezaaN

“Firaq” khaziiN se tau waaqif the tum bhii
vo kuch khoyaa khoyaa pariishaaN pariishaaN

Firaq Gorakhpuri

{ 1 comment… read it below or add one }

Aslam moien July 14, 2010 at 9:59 am

Asslamu a likum.. firaq shahab plz help me i also wants to add my GHAZALS AND POETS..But i dont know how i can…

Leave a Comment

Previous post:

Next post: