phuul per jab kiran thhar-tharaaii
wo nashiilii nazar yaad aaii
unki aamad ka paiGham sun kar
baRh gayaa aur dard-e-judaaii
ham kahaaN aur bazm-e-jaanaaN
unke jalvoN ne kee rahnumaaii
ek nigaaH-e-karam ki badaulat
bazm-e-dil der tak jagmagaaii
husn thaa iltifaat-e-mujassam
umr hi kar gayii be-wafaaii
raat bhar khuuN ?? sitaare
tab suhaanii sahar muskuraaii
gul-ba-daaman haiN haNsiin jalve
Wajd kar le nazar aazmaaii
Sikander Ali Wajd