raham ai gham-e-jaanaaN baat aa gaii yaaN tak
(1 votes, average: 5 out of 5)
Loading ...Click above to listen this ghazal in Shamim Jaipuri’s own voice.
raham ai gham-e-jaanaaN baat aa gaii yaaN tak
dasht-e-gardish-e-dauraaN aur mere garebaaN tak
kaun sar ba kaf hoga, jashn-e-daar kya hoga
zoq-e-sarfaroshi hai ek dushman-e-jaaN tak
hamasafeer phir koii haadasaa hua shaayad
ik sajab udaasi hai gulsitaaN se zindaaN tak
hamnashiiN baharoN ne kitne aashiaN phuunke
ham to kar hi kya lete, so gaye nigehbaaN tak
ik ham hi lagaayenge khaar-o-khas ko seene se
varnaa sab chaman mein hain, mausam-e-bahaaraaN tak
mere dastak-e-vahshat ko aaj rok lo varanaa
faasilaa bahut kam hai haath se garebaaN tak
hai ‘Shamim’ azal hi se silsilaa muhabbat kaa
halqaa-e-salaasil se gesoo-e-pareshaaN tak
Shamim Jaipuri
To receive free updates on new Ghazal, Nazm and Mushaira postings, please visit subscribe for options.
I have transliterated the post to Hindi. It can be see here Urdu Poetry