rubaaiyaat-o-qitaat

har jalve se ek dars-e-numoo letaa huN
labrez ka’ii jaam-o-suboo leta
padtii hai jab aaNkh tujhpe ai jaan-e-bahaar
sangeet ki sarHadoN ko chhuu letaa huN

har saaz se hotii nahiiN ek dhun paidaa
hotaa hai baRe jatan se ye gun paidaa
meezaan-e-nashaat-o-Gham meiN sadioN tul kar
hotaa hai haalaat meiN tavaazun paidaa

sehraa meiN zamaaN makaaN (?) ke kho jaati haiN
sadioN bedaar rah ke so jaati haiN
aksar sochaa kiyaa huN khal_wat meiN Firaq
teHzeebein kyuN Guroob ho jaati haiN

ek halqaa-e-zanjeer tau zanjeer nahiiN
ek nuqtaa-e-tasveer tau tasveer nahiiN
taqdeer to qaumoN ki huvaa kartii hai
ek shakhs ki taqdeer ko’ii taqdeer nahiiN

maaHtaab mein surKh anaar jaise chhuTe
(?) se kazaa lachak ke jaise chhuTe
wo qad hai ke bhairavii jab sunaaye sur
???

GunchoN se bhi narm Gunchagi dekhii hai
naazuk kam kam shaguftagii dekhii hai
haaN, yaad hain tere lab-e-aasooda mujhe
tasveer-e-sukoon-e-zindagii dekhii hai

zulf-e-pur_kham inaam-e-shab moRtii hai
aawaaz tilism-e-teergii toRtii hai
yuN jalvoN se tere jagmagaatii hai zamiiN
naagin jis tarah keiN_chulii choRtii hai

Firaq Gorakhpuri