(1 votes, average: 3.00 out of 5)
Loading ...3,051 views
Click above to listen this ghazal in Shamim Jaipuri’s own voice.
teraa jalvaa nihaayat dil nashiin hai
muhabbat lekin is se bhii hasiin hai
junooN ki koii manzil hi nahiin hai
yahaaN har gaam, gaam-e-avvaliin hai
sunaa hai yuuN bhii aksar zikr un kaa
ki jaise kuchh taalluq hi nahiin hai
maseehaa ban ke jo nikle the ghar se
lahoo mein tar unhiin ki aastiin hai
main raah-e-ishq kaa tanhaa musaafir
kise aavaaz dooN, koii nahiin hai
‘Shamim’ us ko kahiin dekha hai tum ne
sunaa hai vo rag-e-jaaN ke qariin hai
Shamim Jaipuri
{ 3 comments… read them below or add one }
very delicious
first few sec,n i was gripped ta his words n voice, a true poet
I have created a Devanagari version of this Urdu Poetry