ye sabzah.mand-e-chaman hai jo lahlahaa na sake
(1 votes, average: 5 out of 5)
Loading ...ye sabzah’mand-e-chaman hai jo lah’lahaa na sake
wo gul hai zakhm-e-baharaaN jo muskuraa na sake
ye aadmii hai vo parvaanah, samm-e-daanistaa
jo raushnii meiN rahe, raushnii ko paa na sake
ye hai khuloos-e-muhabbat ke haadisaat-e-jahaaN
mujhe to kyaa, mere naqsh-e-qadam mitaa na sake
na jaane aaKhir in aaNsuoN pe kyaa guzrii
jo dil se aaNkh tak aaye, magar bahaa na sake
kareiNge mar ke baqaa-e-dawaam kyaa haasil
jo zindaa rah ke muqaam-e-hayaat paa na sake
merii nazar ne shab-e-Gham unheiN bhi dekh liyaa
wo beshumaar sitaare ke jagmagaa na sake
ye mehr-o-maaH mere, hamsafar rahe barsoN
phir iske baad merii gardishoN ko paa (?) na sake
Ghate agar tau bas ek musht-e-Khaq hai insaan
badhe to vus’at-e-kaunain meiN samaa na sake
Jigar Muradabadi
To receive free updates on new Ghazal, Nazm and Mushaira postings, please visit subscribe for options.
Bahut khoob Sahab, jitni tareef ki jaye kam hai. mohib bhai aapka junoon, aapki ashiqui, aapka dedication jo hai shairi ke liye qabile tareef hai. waqai aap urdu ki khidmat kar rahe hain
Arif
this is exactly what i felt like when i read this compostion
“na jaane aaKhir in aaNsuoN pe kyaa guzrii
jo dil se aaNkh tak aaye, magar bahaa na sake”
Mohib Bhai
Asslam-o-alekum
Aap ki tarah mein bhi shayeri ka deewan hun aur khuch sher kah bhi leta hun.
Aap ki yeh geraNqard koshish yaqeenan tareef ke qabil hai. Hum jaise deewanon ki tashnaghi kam kardi. Aligarian.com ke zariye un bare shayeron ki awaz mein unka kalam sunliya jinko kabhi dekha nahi.
Allah aap ko salamat rakhe aur yeh shauq aur jazbah qayam dayem rakhkhe.
Afroz Alam
Alig
This ghazal is now in Devanagari on Urdu Poetry blog.