abr-e-bahaar ab ke bhii barsaa pare pare
(4 votes, average: 4.5 out of 5)
Loading ...abr-e-bahaar ab ke bhii barsaa pare pare
gulshan ujaaR ujaaR haiN, jangal hare hare
jaane ye tishnagii hai havas hai ke khud’kushii
jalte hain shaam hii se jo saagar bhare bhare
hai dil kii maut ahd-e-vafaa ki shikastagii
phir bhii jo ko’ii tark-e-muhabbat kare, kare
ab apna dil bhii shah’r-e-khaamoshaaN se kam nahiiN
sunn ho gaye haiN kaan sadaa par dhare dhare
rahte haiN ahl-e-shah’r ke saaye se duur duur
ham aahwaan-e-dasht ki suurat, Dare Dare
gul ban ke phuuTtaa hai lahuu shaakh-saar se
zakhm-e-rag-e-bahaar hain patte hare hare
zindaa-dilaan-e-shah’r ko kyaa ho gayaa “Faraz”
aankheN bujhii bujhii haiN to chehre mare mare
Ahmed Faraz
To receive free updates on new Ghazal, Nazm and Mushaira postings, please visit subscribe for options.
Waa..h! ‘Faraz’ ki ye Ghazal khuub hai. Pehle kahiiN nahiiN dekhii.
(Se`r #5, shaayad kuchh yuu.n hai,
“rahte haiN ahl-e-shahr ke saaye se duur duur
ham aahwaan-e-dasht ki suurat, Dare Dare” )
Wah…kya baat hey….
v.Nice ghazal written by Ahmad Faraz..
I like dis Poem ..