ai sanam jis ne tujhe chaaNd kii suurat dii hai
usii Allah ne mujh ko bhii muhabbat dii hai
teGh be-aab hai na baazuu-e-qaatil kamzor
kuch giraaN jaanii hai, kuch maut ne fursat dii hai
furqat-e-yaar meN ro-ro ke basar kartaa huN
zindaganii mujhe kyaa dii hai, musiibat dii hai
josh paidaa kiye sun’ney ko tiara zikr-e-jamaal
dekhne ko terii aankhoN meN basaarat dii hai
kamar-e-yaar ke mazmuuN ko baandho “Aatish”
zulf-e-khuubaaN sii mire tum ko tabiiyat dii hai
Haider Ali Aatish
{ 2 comments… read them below or add one }
bahut khub!!!
Aatish is one of the best poests of Urdu poetry and without any doubt The best from lucknow school of poetry.