aisaa nahiiN ke unse muhabbat nahiiN rahii
jazbaat meN vo pahlii sii shiddat nahiiN rahii
sar meN vo intizaar kaa saudaa nahiiN rahaa
dil par vo dhaRkanoN kii hukuumat nahiiN rahii
kamzorii-e-nigaah ne sanjeedaa kar diyaa
jalvoN se chheR chhaR kii aadaar nahiiN rahii
haathoN se intiqaam liyaa ilteyaash ne
daamaana-e-yaar se ko’ii nisbat nahiiN rahii
paiham tavaaf-e-kuuchaa-e-jaanaa ke din gaye
pairoN meN chalne phirne kii taaqat nahiiN rahii
chehre kii jhurriyoN ne bhayaanak banaa diyaa
aaiinaa dekhne kii bhii himmat nahiiN rahii
Allah jaane maut kahaaN mar ga’ii “Khumar”
ab mujh ko zindagii kii zaruurat nahiiN rahii
Khumar Barabankvi
{ 10 comments… read them below or add one }
Very Nice Ghazal
really very nice….
paiham tavaaf-e-kuuchaa-e-jaanaa ke din gaye
pairoN meN chalne phirne kii taaqat nahiiN rahii
Allah jaane maut kahaaN mar ga’ii “Khumar”
ab mujh ko zindagii kii zaruurat nahiiN rahii
Wah kya khuub agar aap ki awaz me sunne miljaye to luft aajaye koi hume zara batayega khana sunne milegi ye ghazal khumar sahab ki awaz me
Subhan Allha
You may yet come to listen to any ghazal in almost exact identical “Dhun O Lahja”, by late Khumar Bhai’s son at Bara Banki.
Neddless the original’s “tashnagi” remains
Md.Khurshidul Hasan
Calcutta – India
Kami jo pa ee to apnay khuloos main pa ee
Hamain to koee zamanay main bat wafa na mila
Please read as
Kami jo pa ee to apnay khuloos main paee
Hamain to ko ee zamanay main bay wafa na mila
great ghazal! yahi zindagi ki asal tasveer hai.
realy very nice
us ghazal ko hum naam kya de…..
jis ko khuda ne khud Ghazal kah diya ho…
very nice its 4 my love adil i love youuuuuuuuuuuuuuu
its a nice ghazal i silently dedicating to some one