jab raat gaye tiri yaad aayii, sau tareh se jii ko behlaaya

jab raat gaye tiri yaad aayii, sau tareh se jii ko behlaayaa
kabhii apne hii dil se baateN kiiN, kabhii terii yaad ko samjhaayaa

yuuNhii vaqt gaNvaaya motii saa, yuuNhii umr gaNvaayii sone sii,
sach kehte ho tum bhii ham suKhanoN, is ishq meiN ham ne kyaa paayaa?

jab pehl-e-pehl tujhe dekhaa thaa, dil kitne zor se dhaRkaa thaa
vo lehr na dil meiN phir jaagii, voh vaqt na lauT ke phir aayaa

phir aaj tire darvaaze par, baRii der ke baad gayaa thaa magar,
ek baat achaanak yaad aayii, maiN baahar hii se lauT aaya

Nasir Kazmi

Contributed by Zoya saahiba.

{ 5 comments… read them below or add one }

Syed Gazanfar Abbas January 3, 2007 at 2:51 am: Bahut Khoob…………
Zulqurnain January 27, 2007 at 6:17 pm: Hi Is it Possible to download this ghazal from the internet

And what is the album name of this ghazal

thanks

My Email – Zulq33@hotmail.com – Please Reply Back.

thanks!
Zul July 5, 2008 at 3:30 am: aah! story of my life
afzal August 16, 2008 at 12:24 am: hi dear sir my like your shayare
zafar javed siddique February 3, 2010 at 12:16 pm: mein kya kahun bas……….nasir sahab aapne aankhen num kardi meri….
phir aaj tere darvaaze par, baRii der ke baad gayaa thaa magar,
ek baat achaanak yaad aayii, maiN baahar hii se lauT aaya

janab agar aap mere saamne hote to mein apko apne galay laga leta..