Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Click above to listen this ghazal in Shahryar’s own voice.
We are thankful to Shaheer Khan sahab of AMUalumni.org for making available this audio.
ummiid se kam chashm-e-khariidaar meN aaye
ham log zaraa der se baazaar meN aaye
ye aag havas kii hai jhulas degii ise bhii
suuraj se kaho saayaa-e-diivaar meN aaye
——
tuu kahaaN hai, tujhse ek nisbat thii merii zaat ko
kab se palkoN pe uthaaye phir rahaa huN raat ko
mere hisse ki zamiiN banjar thii main waqif na thaa
be-sabab maiN ilzaam maiN detaa rahaa barsaat ko
——
dil meN utregii tau puuchegi junuuN kitnaa hai
nok-e-Khanjar hi bataayegii ke Khuun kitnaa hai
jamaa karte rahe jo apne ko zarraa zarraa
wo ye kyaa jaane bikharne meN sukuuN kitnaa hai
——
ye kyaa hai, muhabbat meN to aisaa nahiiN hotaa
maiN tujhse judaa ho ke bhii tanhaa nahiiN hotaa
yaa itnii na tabdeel huii hotii ye duniyaa
yaa maine ise Khwaab meN dekhaa nahiiN hotaa
——
ye kaafile yaadoN ke kahiiN kho gaye hote
ek pal bhii agar bhuul se ham so gaye hote
ai shahr ! teraa naam-o-nishaaN bhii na hotaa
jo haadise hone the agar ho gaye hote
——
shikvaa ko’ii daryaa ki ravaanii se nahiiN hai
rishtaa hi merii pyaas kaa paanii se nahiiN hai
——
use gunaah kaheN yaa kaheiN sawaab ka kaam
nadii ko sauNp diyaa pyaas ne saraab ka kaam
hamaarii aaNkheN ke pehle tau Khuub jaagtii haiN
aur uske baad ye kartii haiN sirf Khwaab ka kaam
Shahryar
{ 4 comments… read them below or add one }
sahir ki awaaz mein unka kalaam kyon nahin hai
yahan ya kahin bhi??
Sahir sahab is indeed the epitome of heart peircing shayari
Sharyar’s poetry touches the emotion .It takes us to a totally different world.
shharyaar sahab jitne rumaniyat pasand hai utne hi haquiqat pasand bhi. yeh in ki inferadiyat hai.EXP>>>>>
yun to hone ko sanam bahut kuch hoga;
Tere labon pe mera lab ho aisa kab hoga.
AUR…
ai shahr ! teraa naam-o-nishaaN bhii na hotaa
jo haadise hone the agar ho gaye hote.