(1 votes, average: 4.00 out of 5)
Loading ...1,678 views
tashnagii ko jhinjhoR dete haiN
pii ke ham jaam toR dete haiN
faisilaa ham kashaa-kash-e-dil kaa
un nigaaHoN pe chhoR dete haiN
aaNkh meN jab jab namii nahiiN rahtii
apnaa daaman nichoR dete haiN
ham tau ruKh Gardish-e-zamaanaa kaa
suu-e-maiKhaana moR dete haiN
ye hasiiN log sheeshaa-e-dil ko
kam nigaahii se toR dete haiN
unkaa naksh-e-qadam jahaaN na mile
ham tau wo raaH chhoR dete haiN
apne paimaaN ke saath ai “Iqbal”
wo meraa dil bhi toR dete haiN
Iqbal Safipuri
{ 2 comments… read them below or add one }
Hi, I’m trying to collect all the ghazals of Iqbal Safipuri in audio format (mp3,real player etc), can any one tell me the web site address from where i can download ‘em – Shall b really grateful !! my email is Omer_Khalili@yahoo.com
You may try http://www.urduaudio.com. They have a good collection.