to vo kyaa hamko har ek jurm kii sazaa degaa
phir apne rahm-o-karam ka sabuut kyaa degaa
maiN roz-e-hashr kaa qaayal huN phir bhi haNstaa huN
ke ek bandaa Khudaa ko hisaab kyaa degaa
hameN tumhaarii tarah shaiKh ilm-e-Ghaiib nahiiN
na jaane kaun amal kisko bakshvaa degaa
bas ek shoalaa jalaa tuu kisii sadaaqat kaa
zamaana aap hii sadioN talak havaa degaa
ham ek haiN mutaawaazii khutuut (?) ho kar bhii
judaa kiyaa hai azal ne, abad milaa degaa
bas aaj ilm-e-bayaaN (?) kaa kahiiN muqaam nahiiN
jahaaN zubaan rukii meraa dil sadaa degaa
Jameeluddin Aali
{ 1 comment… read it below or add one }
pasha start praying mate; i dont wanna end up a stinker:
“maiN roz-e-hashr kaa qaayal huN phir bhi haNstaa huN
ke ek bandaa Khudaa ko hisaab kyaa degaa”