tuu is qadar mujhe apne qareeb lagtaa hai
(5 votes, average: 4 out of 5)
Loading ...tuu is qadar mujhe apne qareeb lagtaa hai
tujhe alag se jo sochuuN, ajiib lagtaa hai
jise na Husn se matlab na ishq se sarokaar
vo shaksh mujh ko bahut bad-nasiib lagtaa hai
huduud-e-zaat se baahar nikal ke dekh zaraa
na ko’ii Ghair, na ko’ii raqeeb lagtaa hai
ye dostii, ye maraasim, ye chaahateiN ye Khuluus
kabhii kabhii ye sab kuch ajiib lagtaa hai
ufaq pe duur chamaktaa huvaa ko’ii taaraa
mujhe charaaGh-e-dayaar-e-Habeeb lagtaa hai
na jaane kab ko’ii tuufaaN aaye gaa yaaroN
buland mauj se saaHil qareeb lagtaa hai
Jan Nisar Akhtar
huduud - boundaries
zaat - self
maraasim - relationship
Khuluus - sincerity
ufaq - horizon
dayaar - home
buland - mauj
mauj - wave
saaHil - shore
To receive free updates on new Ghazal, Nazm and Mushaira postings, please visit subscribe for options.
Ye khoobsoorat ghazal padh ke, aur khaas kar ye sh’er
ye dostii, ye maraasim, ye chaahateiN ye Khuluus
kabhii kabhii ye sab kuch ajiib lagtaa hai
Javed Akhtar ka ye sh’er zaroor yaad aata hai
narm aavaaz bhalii baate.n mohazzab lahaje
pahalii baarish me.n hii ye rang utar jaate hai.n
poori ghazal http://www.urdupoetry.com/jakhtar19.html pe maujood hai.
Paritosh
Lucknow me rehat thaa, ab roti ke chalte bahar hoon