be-qaraarii gayii, qaraar gayaa
(1 votes, average: 5 out of 5)
Loading ...be-qaraarii gayii, qaraar gayaa
tark-e-ishq aur mujh ko maar gayaa
vo jo aaye to Khushk ho gaye ashk
aaj Gham kaa bhii aitbaar gayaa
ham na haNs hii sake, na hii ro sake
vo gaye yaa har iKhtiyaar gayaa
aap kii zid-e-be-mahal se Kaleem
sab kii nazroN kaa aitbaar gayaa
aa gaye vo to ab ye ronaa hai
lutf-e-Gham, lutf-e-intizaar gayaa
kis maze se tere baghair “Khumar”
be jiye zindagii guzaar gayaa
Khumar Barabankvi
To receive free updates on new Ghazal, Nazm and Mushaira postings, please visit subscribe for options.
