(3 votes, average: 4.33 out of 5)
Loading ...3,093 views
dil bahaltaa hai kahaaN anjum-o-maahtaab se bhii
ab to ham log gaye deedaa-e-bekhwaab se bhii
ro paRaa huN to ko’ii baat hii aisii hogii
maiN ke waaqif thaa tere hijr ke aadaab se bhii
kuch to us aaNkh kaa shaivaa hai jafaa ho jaanaa
aur kuch bhuul huii hai dil-e-betaab se bhii
ai samandar kii havaa ! teraa karam bhii maaluum
pyaas saahil kii to bujhtii nahiiN sailaab se bhii
kuch to us husn ko jaane hai zamanaa saara
aur kuch baat chalii hai mere ehbaab se bhii
Ahmed Faraz
{ 2 comments… read them below or add one }
aur faraz cheyah kitni muhabtein tujhay,
maoon nay tairay naam per bachoon ka naam rekh deaya
Today Sir Late Ahmed Faraz is not among us.
Dnt know how urdu peotry will fullfill his space while every one undoubtally is the most readable,wonderful and brilliant urdu poet .He stands in the list allama iqbal,faiz ahmed faiz but he is still different from them.i pray to ALLAH TALLAH that may his soul rest in peace.
My dad Iftikhar ahmed chaudhry was good friend of Sir Faraz.
Last night he told me many things about him that not only made me thing him as great poet even he was man of words and character.
JITNA KAHOON KEM LEGTA HAY NAVEED,
ALFAZ US KEE TAREEF MEIN KEM PERTAY HAIN.
har ashaar taaref k layak hai……..