(1 votes, average: 3.00 out of 5)
Loading ...2,013 views
jhunjhlaaye haiN, lajaaye haiN phir muskuraaye haiN
kis ehtimaan se ham unheN yaad aaye haiN
ab jaa ke aah karne ke aadaab karne haiN
duniyaa samajh rahii hai ke ham muskuraaye haiN
guzre se mai-kade se taubaa ke baad ham
kuch der to aadatan bhii qadam laRkhaRaaye haiN
ai josh-e-giriyaa dekh na karnaa Khajil mujhe
aaNkheN merii zaruur haiN, aaNsuu paraaye haiN
ai maut, ai bahisht-e-sukuuN aa khush’aamde
ham zindagii meN pehle-pehal muskuraaye haiN
jitnii bhii mai-kade meN hai saaqii pilaa de aaj
ham tashnaa-kaam zuh’d ke sehraa se aaye haiN
insaan jiite jii kare taubaa KhataaoN se
majbuurioN ne kitne farishte banaaye haiN
Kaabe meN Khairiyat to hai hazrat-e-Khumar
ye dair hai janaab yahaaN kaise aaye haiN
Khumar Barabankvi
{ 4 comments… read them below or add one }
“guzre jo mai-kade se, taubaa ke b`aad ham
kuchh de`r aadatan bhii qadam laRkhaRaaye haiN”
———————————————
Waa..h!
Excellent! Can I have the poem “bichra wo is ada se k rut hi badal gai, ik shakhs saa’rey shehr ko veeran ker gaya.”. If someone has it, please send to syali774@yahoo.com
Was sung by Begum akhter
also if we can get in her voice
Nothing like it
insaan jiite jii kare taubaa KhataaoN se
majbuurioN ne kitne farishte banaaye haiN
Can we have the poems/ghazals of Yahya Jasdanwala;specially those sung by Begum Akhtar.
Regards,