tum apne Khat meN yuuN lafzoN kaa silsilaa rakhnaa
(2 votes, average: 3.5 out of 5)
Loading ...tum apne Khat meN yuuN lafzoN kaa silsilaa rakhnaa
har ek lafz kaa mafhuum duusraa rakhnaa
tumhaare lab kii mahek raaz faash kar degii
lifaafaa band na karnaa, yunhii khulaa rakhnaa
na itnaa TuuT ke miliye ke dil pe shak guzre
Khuluus meN bhii zaruurii hai faasilaa rakhnaa
maiN zindagii meN kahiiN tumse mil hii jaauuNgaa
magar ye shart hai, bicchaRne kaa hauslaa rakhnaa
ye soz-o-karb mujhe tajruboN ne bakhshaa hai
jalaanaa shamm’a to daaman se faasilaa rakhnaa
Saba Afghani
To receive free updates on new Ghazal, Nazm and Mushaira postings, please visit subscribe for options.
Wonderful Contribution !
Entire ghazal is awesome.
maine shayed inka etna khubsurat ghazalnahi padha tha waquai saba bhi khubsurat ghazal likh te hain. Mohib sahab in ke kuch aur khubsurat gazal ko shamil kijye.
Shukrya,,,……….