(2 votes, average: 3.00 out of 5)
Loading ...1,705 views
itne kaRe vasii nizaam meN sirf aik merii hii nekii se kyaa hotaa hai
maiN to is se ziyaadah kar hii kyaa saktaa huN
mez par apnii saarii duniyaa : kaghaz aur qalam aur TuTii-phuuTii nazmeN
saarii chiizeN baRe qariine se rakh dii haiN,
dil meN bharii hu’ii haiN itnii acchii acchii baateN,
un baatoN kaa dhyaan aataa hai to ye saaNs baRii hii besh-bahaa lagtii hai
mujh ko bhii to kaisii kasii baatoN se raahat miltii hai
mujh ko is raah meN saadiq paakar
saare jhuuT merii tasdiiq ko aa jaate haiN
ek agar maiN sacchaa hotaa,
merii is duniyaa meN jitne qariine saje hu’e haiN
un kii jagah be-tartiibii se paRe hu’e kuch tukRe hote
mere jism ke TukRe, kaale jhuuT ke us chalte aare ke niiche !
itne baRe nizaam se merii nekii takRaa saktii thii,
agar ek maiN hii sacchaa hotaa !
vasii : vast
nekii : good deed
qariine : organized
saadiq : truthful
tasdiiq : vouch for veracity
aare : saw (used for cutting trees)
nizaam : world order
Majid Amjad
