Aligarians.com

jab hu’aa irfaaN to Gham aaraam-e-jaaN bantaa gayaa
soz-e-jaanaaN dil meN soz-e-diigraaN bantaa gayaa

(irfaaN : knowledge, gnosis; aaraam-e-jaaN : comfortable to oneself; soz-e-jaanaaN : pain of the beloved; soz-e-diigraaN : a pain apart)

raftaa raftaa munqalib hotii gayii rasm-e-chaman
dhiire dhiire naGhmaa-e-dil bhi fuGhaaN bantaa gayaa

(raftaa raftaa : slowly; munqalib : change; rasm-e-chaman : traditions of the garden; naGhmaa-e-dil : song of heart; fuGhaaN : sad)

maiN akelaa hii chalaa thaa jaanib-e-manzil magar
Ghair saath aate gaye aur kaarvaaN bantaa gayaa

jaanib-e-manzil : towards destination; Ghair : strangers; kaarvaaN : caravan

jis taraf bhii chal paRe ham aablaa paayaan-e-shauq
Khaar se gul aur gul se gul-sitaaN bantaa gayaa

aablaa : frenzied; payaan-e-shauq : go forth in yearning, desire; Khaar : thorns; gul : flowers; gul-sitaaN : garden

sharh-e-Gham to muKhtasar hotii gayii uske huzuur
lafz jo munh se na niklaa daastaaN bantaa gayaa

sharh-e-Gham : commentary on grief; muKhtasar : short; huzuur : presence; lafz : word; daastaaN : story

baat to jab hai ke bhar de saagar-e-har Khaas-o-aam
yuuN to jo aaya vuhii piir-e-muGhaaN bantaa gayaa

saagar-e-har Khaas-o-aam : wine cup of all and sundry; piir-e-muGhaaN : master of the tavern

dahar meN “Majrooh” ko’ii jaavidaaN mazmuuN kahaaN
maiN jise chuutaa gayaa vo jaavidaaN bantaa gayaa

jaavidaaN : heavenly, long-lived; mazmuuN : topic, subject

Majrooh Sultanpuri

To receive free updates on new Ghazal, Nazm and Mushaira postings, please visit subscribe for options.