Aligarians.com

ham jo din raat ye ‘atr-e-dil-o-jaaN khiiNchte haiN
naf’aa kam karte haiN ai yaar ziyaaN khiiNchte haiN

(’atr : perfume; naf’aa : profit; ziyaaN : loss)

sochne ke liye mauzuu-e-suKhan ko’ii nahiiN !
subh se shaam talak sirf dhuaaN khiiNchte haiN

(mauzuu : topic; suKhan : poetry)

maine muddat se ko’ii sach bhii nahiiN bolaa hai
phir mujhe daar pe kyuN ahl-e-jahaaN khiiNchte haiN

(daar : gallows; ahl: inhabitants; jahaaN : world)

ab bhii rahte haiN bahut aise bahaadur jo yahaaN
duudh piite hu’e bacchoN pe kamaaN khiiNchte haiN

(kamaaN : arch, bow)

vo musaahib jo zubaaN kholte Darte the kabhii
ab vahii mere buzurgoN kii zubaaN khiiNchte haiN

(musaahib : companions, associaites; buzurg : elders)

mere qaatil mujhe pehchaan gaye haiN shaayad
varnaa kyuN jism se yuuN nok-e-sanaaN khiiNchte haiN

(nok-e-sanaaN : tip of the sword)

Wali Aasi

To receive free updates on new Ghazal, Nazm and Mushaira postings, please visit subscribe for options.