Aligarians.com

saamne Khanjar rakh kar dekheN
dil hai phuul ke patthar dekheN

(Khanjar : knife)

aik jaziiraa ho aur ham tum
chaaroN ore samandar dekheN

(jaziiraa : island; samandar : sea)

ab kyaa naam kii zebaaish hai
har ghar kii taKhtii par dekheN

(zebaaish : adornment; taKhtii : name plate)

dam-Kham hai aandhii meN kitnaa
aao diip jalaa kar dekheN

(dam-Kham : strength)

aag hai donoN kii aaNkhoN meN
jaltaa hai kis kaa ghar dekheN

saamne manzar hii aate haiN
aap “Asar” pas-e-manzar dekheN

(manzar : situations; pas-e-manzar : background)

Muhammad Ali Asar

To receive free updates on new Ghazal, Nazm and Mushaira postings, please visit subscribe for options.