aasmaaN tak jo naalaa pahuuNchaa hai
(7 votes, average: 4.43 out of 5)
Loading ...aasmaaN tak jo naalaa pahuuNchaa hai
dil kii gehraa’iioN se niklaa hai
(naalaa : complaint; gehraa’ii : depth)
merii nazroN meN hashr bhii kyaa hai
maiN ne un kaa jalaal dekhaa hai
(hashr : day of judgement; jalaal : splendour)
jalva-e-Tuur Khvaab-e-Muusaa hai
kis ne dekhaa hai kis ko dekhaa hai
(Tuur : The mountain where Moses went to meet God; Muusaa : Moses)
haaye anjaam us safiine kaa
naa-Khudaa ne jise Duboyaa hai
(anjaam : conclusion; safiinaa : boat; naa-Khudaa : commander of a ship)
aah kyaa dil meN ab lahuu bhii nahiiN
aaj ashkoN kaa rang phiikaa hai
(lahuu : blood; ashk : tears; phiikaa : faded)
jab bhii aaNkheN miliiN un aaNkhoN se
dil ne dil kaa mizaaj puuchaa hai
(mizaaj : temperament, health)
vo javaanii ke thii hariif-e-tarab
aaj barbaad-e-jaam-o-sehbaa bhii nahiiN
(hariif : enemy; tarab : joy; barbaad : ruined; jaam : goblet; sehbaa : red wine)
kaun uTh kar chalaa muqaabil se
jis taraf dekhiye andheraa hai
(muqaabil : front of)
phir merii aaNkh ho gayii namnaak
phir kisii ne mizaaj puuchaa hai
(namnaak : teary eyed; mizaaj : temperament, health)
sach to ye hai ke “Majaz” kii duniyaa
husn aur ishq ke sivaa kyaa hai
(husn : beauty; ishq : love; sivaa : except of)
Majaz Lucknawi (1945)
To receive free updates on new Ghazal, Nazm and Mushaira postings, please visit subscribe for options.
Ishq’e haqeeqi or ishq’e majazi kaha jata he. Yahan ek badnaseeb ke liye majazi ishq hi haqeeqat hogya tha.
“jalva-e-Tuur Khvaab-e-Muusaa hai
kis ne dekhaa hai kis ko dekhaa hai”
Majaz ka dukh hamare liye zoq ka baa’is banta he.
Kisi ke lahoo me likhe hen ye sher.
Once again Majaz successfully present his emotion,greif,and those pleasure which he had been grefily enjoyed through out of his life,…the way he poured his emotion in his pen argubily we can say that it is the best expression…..best thing which i found about him is that he knew the truth of life and he always knew abt the conciquences,he knew what he did thats why he is in such condition.
phir merii aaNkh ho gayii namnaak
phir kisii ne mizaaj puuchaa hai
above lines representing same filling…….May ALLAH bless his soul…