daaman-e-shauq meN masle hu’e phuuloN kii tarah
(2 votes, average: 4 out of 5)
Loading ...daaman-e-shauq meN masle hu’e phuuloN kii tarah
zindagii hai kisii muflis ke usuuloN kii tarah
(daaman : lap; shauq : desire; masle : crushed; phuul : flowers; muflish : destitute; usuul : principles)
aaj bhii dhuup ke jangal meN hamaare saaye
naachte phirte haiN be-fikr baguuloN kii tarah
(dhuup : sunshine; be-fikr : carefree; baguule : crane)
vahii Firaun, vahii tannur (?) ke maqtal, vahii daar
ham bhii is daur meN jiite haiN rasuuloN kii tarah
(Firaun : The cruel Pharaoh at the time of Moses; tannur : ?; maqtal : slaughter-house; daar : gallows; daur : era; rasuul : prophet)
ko’ii mausam hii na badlaa ke kisii se kahte
hasrateN suukh gayii dil meN babuuloN kii tarah
(hasrateN : desires; babuul : acacia)
haadise ham pe jo guzre the kabhii ai “Aazer”
yaad aate haiN magar sirf maquuloN kii tarah
(haadise : accidents; maquuloN : like proverbs)
Kafeel Aazer
To receive free updates on new Ghazal, Nazm and Mushaira postings, please visit subscribe for options.
“vahii Firaun, vahii tannur (?) ke maqtal, vahii daar
ham bhii is daur meN jiite haiN rasuuloN kii tarah”
tannur=tanduur(Oven), yahaaN wo gulkhan jis meN insaan ko zindaa jalaayaa jaaataa ho-:a form of cruel punishment: