ham abhii aur bhii kuch roz pariishaaN hoNge
(6 votes, average: 3.33 out of 5)
Loading ...Click above to listen this Ghazal in Zulfiqar Ali Bokhari’s own voice.
ham abhii aur bhii kuch roz pariishaaN hoNge
uqd-e-mushkil haiN to mushkil se hii aasaaN hoNge
(pariishaaN : distressed; uqd-e-mushkil : difficult knot)
taKht apnaa hai magar vaqt nahiiN hai apnaa
vaqt aayaa to hamiiN log SulemaaN hoNge
(taKht : throne; vaqt : time; SulemaaN : King Solomon)
habs is shah’r meN aisaa hai ke dam ghuTtaa hai
kab bahaar aayegii kab chaak gariibaaN hoNge
(habs : confinement; dam : breath; bahaar : spring; chaak : slit; gariibaaN : collar)
aaj us bazm-e-tarab meN hameN le chal ai dil
aaj hamdard ke maare bhii Ghazal-KhvaaN hoNge
(bazm-e-tarab : joyous gathering; hamdard : sympathizer; Ghazal-KhvaaN : Singing Ghazal)
ye jo haiN shah’r ke vaaiz, ye Khatiibaan-e-kiraam
ye bhii Allah ne chaahaa to musalmaaN hoNge
(shah’r : city; vaaiz : preacher; Khatiibaan-e-kiraam : exalted orators)
Zulfiqar Ali Bokhari
We are thankful to Suhail Kazi saahab for making this audio available to Aligarians.com
To receive free updates on new Ghazal, Nazm and Mushaira postings, please visit subscribe for options.
shab-e-fraq bhi karte hoo dard ka shikwa
mohabbat main bahut hi junior maloom hote ho.
khalid raheed (khalidalig)
tripoli,libya
taKht apnaa hai magar vaqt nahiiN hai apnaa
vaqt aayaa to hamiiN log SulemaaN hoNge
waah!! Bahut khoob!
ye jo haiN shah’r ke vaaiz, ye Khatiibaan-e-kiraam
ye bhii Allah ne chaahaa to musalmaaN hoNge
Subhan allha Do line me Dil jeet liya
Bahut khoob
ye jo haiN shah’r ke vaaiz, ye Khatiibaan-e-kiraam
ye bhii Allah ne chaahaa to musalmaaN hoNge
Bahot qaede se comment kiya hai mashaallah se…..
wah ji wah….