(1 votes, average: 4.00 out of 5)
Loading ...2,579 views
jigar aur dil ko bachaanaa bhii hai
nazar aap hii se milaanaa bhii hai
muhabbat kaa har bhed paanaa bhii hai
magar apnaa daaman bachaanaa bhii hai
jo dil tere Gham kaa nishaanaa bhii hai
qatiil-e-jafaa-e-zamaanaa bhii hai
(qatiil : slain; jafaa-e-zamaanaa : cruelty of the world)
ye bijlii chamaktii hai kyuN dam-ba-dam
chaman meN ko’ii aashiyaanaa bhii hai
(dam-ba-dam : now and then; chaman : garden; aashiyaanaa : shelter)
Khirad kii ata’at zaruurii sahii
yahii to junuuN kaa zamaanaa bhii hai
(Khirad : mind; ata’at : to follow; junuuN : frenzy; zamaanaa : era)
ye duniyaa, ye ‘aqbaa kahaaN jaaiye
kahiiN ahl-e-dil kaa thikaanaa bhii hai
(uqbaa : here-after; ahl-e-dil : people with a heart; thikaanaa : destination)
mujhe aaj saahil pe rone bhii do
ke tuufaan meN muskuraanaa bhii hai
(saahil : sea-shore)
zamaane se aage to baRhiye “Majaz”
zamaane ko aage baRhaanaa bhii hai
Majaz Lucknawi
{ 3 comments… read them below or add one }
“ye duniyaa, ye uqbaa, kahaaN jaaiye
kahiiN ahl-e-dil kaa Thikaanaa bhii hai”
Uqbaa= :after life:(here-after), maut ke b`ad ki zindgi
I think majaz was one of the greates shyar his poetries were really nice
majaz is a great poet of this century