(7 votes, average: 3.57 out of 5)
Loading ...2,169 views
harf harf raT kar bhii aagahii nahiiN miltii
aag naam rakhne se roshnii nahiiN miltii
(harf : letter; aagahii gnosis)
sochne samajhne ko faasilaa hii behtar hai
raat din kii qurbat se dostii nahiiN miltii
(faasilaa : distance; qurbat : intimacy)
miiThii miiThii baatoN meN sirf sach nahiiN hotaa
maslehat-pasandoN meN sar-kashii nahiiN miltii
(sach : truth; maslehat-pasand : rational, pragmatic people; sar-kashii : tyranny)
aadmii se insaaN tak aa gaye to samjhoge
kyuuN chiraaGh ke niiche roshnii nahiiN miltii
(chiraaGh : lamp)
be-libaas hone se bach gayaa to kyaa “Manzar”
aaj gaaNv meN kal kii saadgii nahiiN miltii
(be-libaas : without clothes; gaaNv : village)
Manzar Bhopali
{ 3 comments… read them below or add one }
Very very nice poem of manzar bhopali…
beautiful poetry of my favourite poet!
very philosphical couplets from Manzar Bhopali