(3 votes, average: 4.00 out of 5)
Loading ...1,549 views
kabhii hausle dil ke ham bhii nikaaleN
idhar aao, tum ko gale se lagaa leN
(hauslaa : ambition)
bhalaa zabt kii bhii ko’ii intihaa hai
kahaaN tak tabiiyat ko apnii sambhaaleN
(zabt : restraint; intihaa : extremity; tabiiyat : nature)
ye maanaa ke aazurdah tum se hamiiN the
magar aao ab ham tumhiiN ko manaa leN
(aazurdah : displeased)
kaho bazm-e-Jamshiid ke saaqiyoN se
faqiir-e-dar-e-maikadaa kii du’aa leN
(Jamshiid : famous king of Persia; saaqii : cup-bearer; faqiir :mendicant; maikadaa : tavern)
“Aziz” apnaa zaKhm-e-jigar to dikhaa deN
magar donoN haathoN se vo dil sambhaaleN
Aziz Lucknawi
{ 1 comment… read it below or add one }
two typos:
bhalaa ***zabt*** kii bhii ko’ii intihaa hai
kahaaN ***tak*** tabiiyat ko apnii sambhaaleN