uljhan tamaan umr ye taar-e-nafas meN thii !
dil kii muraad aashiquii meN yaa havas meN thii !
(taar-e-nafas : in every breath; muraad : aashiquii : love; desire; havas : lust)
dar thaa khulaa, pe baiThe rahe par sameT kar
karte bhii kyaa ke jaa-e-amaaN hii qafas meN thii !
(dar : door; par : feathers; jaa-e-amaaN : place of safety; qafas : prison)
sakte meN sab chiraaGh the, taare the dam-baKhud !
maiN us ke iKhtiyaar meN vo mere bas meN thii
(sakte meN : in trance; taare : stars; dam-baKhud : stunned)
ab ke bhii jamii hu’ii hai ye aaNkhoN ke saamne
KhvaaboN kii aik dhuNdh jo picchle baras meN thii
(dhuNdh : fog; baras : year)
kal shab to us kii bazm meN aise lagaa mujhe !
jaise ke kaaynaat merii das-taras meN thii
(shab : night; bazm : gathering; kaaynaat : universe; das-taras : within hand’s reach)
mehfil meN aasmaaN kii, bole ke chup rahe
“Amjad” sadaa zamiin isii pesh-o-pas meN thii
(zamiin : earth; pesh-o-pas : indecision)
Amjad Islam Amjad
{ 5 comments… read them below or add one }
sakte meN sab chiraaGh the, taare the dam-baKhud !
maiN us ke iKhtiyaar meN vo mere bas meN thii
ab bhii jamii hu’ii hai ye aaNkhoN ke saamne
KhvaaboN kii aik dhuNdh jo picchle baras meN thii
mehfil meN aasmaan ki, bole ke chup rahe
“Amjad” sadaa zamiin isii pesh-o-pas meN thii
(Please note the ‘corrections’)
shukriyaa, B.G.M. saahab.
please give me amjad islam amjad’s email id
BOHAT HI KAMAL K POET HNY AMJAD ISLAM AMJAD AK POME HAI INKI WO HAI,AGAR TUM NEY SOHC LI HAI JAANA….HUMRE DIL SEY NIKLO GAYE…..BOHAT KAMAL KI LIKHI HAI ALLHAJI INKO SALLMAT RAKHNY AMEEN
It is a decent idea. watches