bahaar
itnii Khushbuu hai ke dam ghuTtaa hai
ab ke yuuN TuuT ke aayii hai bahaar
aag jaltii hai ke khilte haiN chaman
rang shoalaa hai to nikhat hai sharaar
ravishoN par hai qayaamat ka nikhaar
jaise taptaa ho javaanii kaa badan
aablaa ban ke tapakTii hai kalii
kopaleN phuuT ke lau detii haiN
ab ke gulshan meN sabaa yuuN bhii chalii
(nikhat : smell; sharaar : sparks; ravish : motion; aablaa : frenzied; sabaa : morning breeze)
Ahmed Nadeem Qasmi
{ 3 comments… read them below or add one }
bahut khoobsoorat ghazal hai
khusboo badan ha badan ko khushboo ki talab rasta naya ha sar e manzil ko challa cheekh para raat bhar jag kar main tapak enayat ki uthi thi shab e taar taar main.
Ajeeb kashmakash o iztirab zindagee main hai…
Na he shoq na walwala bandagee main hai…
khabar na thee main is qadar bikhar jaonga…
main doob raha aur dunya tergi main hai