(11 votes, average: 4.09 out of 5)
Loading ...4,014 views
kis ko qaatil maiN kahuuN kis ko masiihaa samajhuuN
sab yahaaN dost hii baiThe haiN kise kyaa samajhuuN
(qaatil : murderer; masiihaa : messiah)
vo bhii kyaa din the ke har vah’m yaqiiN hotaa thaa
ab haqiiqat nazar aaye to use kyaa samajhuuN
(vah’m : doubt; haqiiqat : reality)
dil jo TuuTaa to ka’ii haath du’aa ko uThThe
aise maahaul meN ab kis ko paraayaa samajhuuN
(maahaul : environment)
zulm ye hai ke hai yaktaa terii begaanaaravii
lutf ye hai ke maiN ab tak tujhe apnaa samajhuuN
(zulm : injustice; begaanaaravii : indifference; lutf : pleasure)
Ahmed Nadeem Qasmi
{ 1 trackback }
{ 5 comments… read them below or add one }
BaRee mushkil se hota hai chaman meN deedawar paida………..
Ahmed Nadeem Qasmi SaHab ka inteqaal Urdu suKhan ka ek alamiya hai. Baat to kuch purani hai magar kal ki see lagtee hai. Qasmi SaHab marHoom Janab Ahmed Faraz SaHab ke hamraah Muscat tashreef laye thay.Mushaaireh ka iniqaad Pak Embassy ne kiya tha. Mujh Gareeb ko Mushaairey meN daawat dee gaii thee aur Mushairey se ek din qabl oos dinner meN bhi mujhe bulaya gaya tha jo Safeer.e Pak ke yahaN tha. Woh Qasmi SaHab se meree pahlee aur aaKhree mulaqat thee. Mujhe unke saath mushairah paRhne ka jo mauqa mila tha woh mere liye bohat baRa e’zaaz tha.Kya kahna unka aur unke kalam ka. Ahmed Fraz SaHab ko unse pahle paRhwaya gaya tha jo ek saheeh faiSla tha.
Ahmed Nadeem Qasmi SaHab ke inteqaal se nah sirf unke chaahne waloN ke dil ko Thes lagee hai, yeh Urdu adab ka dil bhee para para ho gaya hai. Allah marHoom ko apne jawaare rahmat meN jagah dey aur unke pasmaaNdgaan ko sabr.e jameel ataa farmaye,aamin.
MuKhlis
Jawaid Badauni
Muscat-Oman
“zulm ye hai ke hai …”
isn’t the next word “yaktaa”, meaning “unique”?
The zenith ,the top
most point the Heaven above and then the blazing sun sets but not without the promise of coming tomorrow.
But no such promises here ,a irrepairable loss.
`Hamare baad andhera rahega mahfil meN
Bahut chirag jalaoge roshni ke liye`
Dr.R.N.SHRIVASTAVA
great poetry. same confusion as bahaar. what does yaktaa mean? somebody come up with ans please.
teri tareef k sanchay main tujh ko dhalta dhaikha basti se nikal kar nadeem apni sans se rishta jora kadar jani nahin abhi zindagi nay meri bewafa bana dia wafa ki tofail.