roz aik Khavaab Khariidaa hai kisii manzar se
roz TuuTaa huuN bahut duur kahiiN andar se
(manzar : a view)
vo janaazah bhii nahiiN hai ke kahiiN dafnaa duuN
mere kandhoN kaa ajab rishtaa hai mere ghar se
(janaazah : corpse)
naye mausam kii tarah log badal jaate haiN
muKhtalif maiN hii huuN abhii zamaane bhar se
(muKhtalif : different)
in dinoN maiN bhii anal-haq saa basar hotaa huuN
phuul bhii pheNke kisii ne to lage patthar se
(anal-haq : I am the truth, utterance of Mansur Al-Hallaj)
Abdullah Kamal