dhuup samandar chehraa hai
manzar kitnaa gahraa hai
(manzar : a view)
dekh chale ham saaraa shah’r
acchaa Khaasaa sehraa hai
(sehraa : desert)
merii aaNkhoN se dekho
vo chehraa hii chehraa hai
gandum sab zahriile haiN
zaahir khet sun-haraa hai
(gandum : wheat)
rone par hii qaid nahiiN
haNsne par bhii pahraa hai
apnii bayaaz-e-hastii meN
har misraa be-bahraa hai
(bayaaz-e-hastii : diary of life; misraa : sentence; be-bahraa : without rhythm)
dariyaa dariyaa chhaan chuke
saahil sab se gahraa hai
(saahil : shore)
donoN dost haiN barsoN se
maiN guuNgaa, vo bahraa hai
Rahat Indori
{ 4 comments… read them below or add one }
A lovely poem .The last stanza is a killer
beautiful very beautiful but where are others of Dr. Rahat Indori
TamaM reshmi azmaT ameen meri hai
tumhare bazu pe ye aasteen meri hai
pata nhi meri jageerein kya hui
leykiN yhan main dafan huN etni zamin meri hai
na hamsafaR na kisi hamnshin se niklega
hamare paon ka kaNTa hami se niklega
esi gali main wo bhookha fakeer rehta tha
talASH kijE khazaana yhin se niklega.
Rahat sir, your poetry is really very deep. enhe sirf “HUM” hi samajh sakte hain. aap waqai “Gazal ki aankh me kajal lagane wale hain”.
wah rahat sahb wah
Ghron ke dhaste hue manzaron me rakkhe hain
bohut se log yhaN makbaron me rakkhe hain
hamare sir ki phati topiyon pe tanz na kar
hamare taaj ajayab gharoN me rakkhe hain
Wah sahab wah.
love it man u r just too good outstanding stupendously written