Aligarians.com

ham apne aap pe bhii zaahir kabhii dil kaa haal nahiiN karte
chup rahte haiN, dukh sahte haiN, ko’ii ranj-o-malaal nahiiN karte

(zaahir : obvious; ranj-o-malaal : complaint and dejection)

ham jo kuch haiN, jaise haiN, vaise hii dikhaa’ii dete haiN
chehre pe bhabhuut nahiiN malte, kabhii kaale baal nahiiN karte

(bhabhuut : ashes)

ham haar gaye tum jiit gaye, hamne khoyaa tumne paayaa
in jhuuTii sacchii baatoN kaa ham ko’ii Khayaal nahiiN karte

tere diivaane ho jaate haiN, kahiiN sehraaoN meN kho jaate haiN
diivaar-o-dar meN qaid hameN agar ahl-o-ayaal nahiiN karte

(sehraa : desert, ruins; diivaar-o-dar : house; qaid : bound; ahl-o-ayaal : family members)

terii marzii par ham raazii haiN, jo tuu chaahe vo ham chaaheN
ham hijr kii fikr nahiiN karte, ham zikr-e-visaal nahiiN karte

(raazii : agree; hijr : separation; zikr : talk; visaal : meeting)

hameN tere sivaa is duniyaa meN kisii aur se kyaa lenaa-denaa
ham sab ko javaab nahiiN dete, ham se savaal nahiiN karte

GhazloN meN hamaarii boltaa hai vohii kaanoN meN ras gholtaa hai
vahii band kivaaR kholtaa hai, ham ko’ii kamaal nahiiN karte

(kivaaR : doors; kamaal : miracle)

Jaun Elia

To receive free updates on new Ghazal, Nazm and Mushaira postings, please visit subscribe for options.