jism-o-jaaN par guzar gayiiN sadiyaaN

jism-o-jaaN par guzar gayiiN sadiyaaN
mujh ko paamaal kar gayiiN sadiyaaN

(jism-o-jaaN : body and soul; sadiyaaN : centuries; paamaal : destroy)

vaqt kii tez aaNdhiyoN meN kahiiN
gard ban kar bikhar gayiiN sadiyaaN

raf’atoN se giraa thaa ek lamhaa
pastiyoN meN utar gayiiN sadiyaaN

(raf’at : tenderness; pastii : baseness)

thii ajab inquilaab-e-vaqt kii maar
ek do pal meN mar gayiiN sadiyaaN

(inquilaab-e-vaqt : revolution of the times)

ham khaRe dekhte rahe “Makhmoor”
sa’atoN meN guzar gayii sadiyaaN

(sa’at : seconds)

Makhmoor Saeedi