ek umr se Khaamosh haiN diivaar kii suurat
(1 votes, average: 5 out of 5)
Loading ...ek umr se Khaamosh haiN diivaar kii suurat
ye bhii to muhabbat meN hai izhaar kii suurat
(izhaar : acknowledgement, acceptance)
is Khauf se maiN band kiye baithaa huuN aaNkheN
ho ghar meN mere phir na shab-e-taar kii suurat
(Khauf : fear; shab-e-taar : dark night)
jaane vo kahaaN dafn hu’e phuul se jazbe
ab haath bhii malte haiN to talvaar kii suurat
suurat hai kuch aisii ke mere chaaraagaroN se
dekhii nahiiN jaatii tere biimaar kii suurat
(chaaraagar : sympathizer)
un se to “Asad” kuch na hu’aa raah-e-vafaa meN
ab tum hii nikaalo ko’ii iisaar kii suurat
(iisaar : favour)
Asad Jafri
To receive free updates on new Ghazal, Nazm and Mushaira postings, please visit subscribe for options.
