Aligarians.com

muhabbat tak rasaa’ii chaahtaa huuN
maiN kab saarii Khudaa’ii chaahtaa huuN

(rasaa’ii : reach; Khudaa’ii : Godliness)

Khushii bhii mujhko raas aatii nahiiN hai
GhamoN se bhii rihaa’ii chaahtaa huuN

(rihaa’ii : freedom)

KhizaaN meN shaaKh se gul jaise bikhre
maiN yuuN tujh se judaa’ii chaahtaa huuN

(KhizaaN : autumn)

mere hoNToN pe kaliyaaN khil uThthii haiN
maiN phir shoalaa-navaa’ii chaahtaa huuN

(shoalaa-navaa’ii : ?)

gaNvaa baiThaa huuN sab kuch phir bhii “Sahil”
vahii farmaaN-ravaa’ii chaahtaa huuN

(farmaaN-ravaa’ii : ?)

Lateef Sahil

To receive free updates on new Ghazal, Nazm and Mushaira postings, please visit subscribe for options.