Aligarians.com

subh taa shaam sochtaa huuN maiN
sau tere naam sochtaa huuN maiN

(subh taa shaam : from morning to night)

ye jo ek taazah aag bhaRkii hai
is kaa anjaam sochtaa huuN maiN

saamne hai qalam bhii kaaGhaz bhii
aur paiGhaam sochtaa huuN maiN

(qalam : pen; paiGhaam : message)

tujh se is dil kaa jo ta’alluq hai
us kaa kuch naam sochtaa huuN maiN

aik shaam-e-firaaq Dhal bhii gayii
phir bhii har shaam sochtaa huuN maiN

(shaam-e-firaaq : evening of loneliness)

kyaa sabab hai Gham-e-zamaana kaa!
laa zaraa jaam sochtaa huuN maiN

(Gham-e-zamaana : sufferings of the world)

ab ko’ii fikr hii nahiiN “Baqi”
bas teraa naam sochtaa huuN maiN

Baqi Ahmadpuri

To receive free updates on new Ghazal, Nazm and Mushaira postings, please visit subscribe for options.