(5 votes, average: 3.80 out of 5)
Loading ...4,498 views
us ne kahaa ke ham bhii Khariidaar ho gaye
bikne ko saare log hii tayyaar ho gaye
us ne kahaa ke aik vafaadaar chaahiye
saare jahaaN ke log vafaadaar ho gaye
(vafaadaar : loyal, faithful)
us ne kahaa ke ko’ii gunah-gaar hai yahaaN
jo paarsaa the vo bhii gunah-gaar ho gaye
us ne kahaa ke aajiz-o-miskiiN hai ko’ii
sab log gard-e-kuucha-o-baazaar ho gaye
(aajiz-o-miskiiN : troubled and destitute; gard-e-kuucha-o-baazaar : dust of the houses and market places)
us ne kahaa ke kaash ko’ii jangjuu mile
aapas meN yaar barsar-e-paikaar ho gaye
(jangjuu : fighter; barsar-e-paikaar : engaged in battle)
us ne kahaa “Adeem” meraa haath thaam-na
chaaroN taraf se haath namuudaar ho gaye
(namuudaar : apparent, manifested)
Adeem Hashmi
{ 8 comments… read them below or add one }
ghazab SubhanALLAh, wah wah kia khoobsoorat ghazal hai
JAZAKALLAH for sharing
Kia baat hai jinab…. Wah Wah, Wah Wah
bhut zabrdast
kindly mujhe b aisi poetry send kia karn meri mail pr thanks
bahut hi khoobshoorat alfaz …apki gazlon me imaan na lane wala kafir hai
subhanallah! kya khub likha Adeem bhai, usne kha pyaase hai hum pyaar k ,,,,,,,,,,,chaaro taraf se yaare-e-bochar pyar ho gaye
kya baat , kya baat . kya baat …
nice poetry of nice poet
awesome ghazel or sachi dil ko chu gai yar