Aligarians.com

aap duniyaa bhar se ulfat keejiye
mujh ko meraa dil inaayat keejiye

(ulfat : love, affection; inaayat : return)

zabt se kyaa Khuun-e-hasrat keejiye
aik naalaa kar ke fursat keejiye

(zabt : patience; Khuun-e-hasrat : to kill the desire; naalaa : cry; fursat : finish)

zoaf kahtaa hai ke manzil duur hai
shauq kahtaa hai ke himmat keejiye

(zoaf : weakness; shauq : desire)

garq hii honaa thaa manzoor-e-Khudaa
naa-Khudaa kii kyaa shikaayat keejiye

(garq : drown)

hazrat-e-”Natiq” jahaan tak ho sake
apne dil meN zabt-e-ulfat keejiye

Natiq Lucknawi

To receive free updates on new Ghazal, Nazm and Mushaira postings, please visit subscribe for options.