achaanak terii yaad kaa silsilaa
andhere kii diivaar ban kar giraa
abhii ko’ii saayaa nikal aayegaa
zaraa jism ko roshnii to dikhaa
paRaa thaa daraKhtoN tale TuuT kar
chamaktii hu’ii dhuup kaa aa’iinaa
(daraKht : tree)
ko’ii apne ghar se nikaltaa nahiiN
ajab haal hai aaj kal shah’r kaa
maiN us ke badan kii muqaddas kitaab
nihaayat aqiidat se paRhtaa rahaa
(muqaddas : sacred; aqiidat : reverence)
ye kyaa aap phir sher kahne lage
are yaar “Alvi” ye phir kyaa hu’aa
Mohammad Alvi
{ 2 comments… read them below or add one }
At last somethingnew on main page
ko’ii apne ghar se nikaltaa nahiiN
ajab haal hai aaj kal shah’r kaa
nice !!
Nice. Good to see a fresh post.