Aligarians.com

biite hu’e dinoN kii halaavat kahaaN se laayeN
ek miiThe miiThe dard loo raahat kahaaN se laayeN

(halaavat : relish; raahat : comfort)

DhuuNDheN kahaaN vo naala-e-shab-e-taab kaa jamaal
aah sahar-gahii kii sabaahat kahaaN se laayeN

(naala-e-shab-e-taab : crying during the night; sabaahat : beauty)

samjhaayeN kaise dil kii nazaakat kaa muamlaa
Khaamoshii-e-nazar kii Khitaabat kahaaN se laayeN

tark-e-taalluqaat kaa ho jis se ehtimaal
bebaakiyoN meN itnii sadaaqat kahaaN se laayeN

(ehtimaal : ?)

aasuudgii-e-lutf-o-inaayaat ke saath saath
dil meN dabii dabii sii qayaamat kahaaN se laayeN

(aasuudgii-e-lutf-o-inaayaat : tranquility of kindness and favor)

vo josh-e-iztiraab kuch sochne ke baad
hairat kahaaN se laayeN nidaamat kahaaN se laayeN

(iztiraab : restlessness; nidaamat : repentance)

har lahz taazah taazah balaaoN kaa saamnaa
na aazmuudahkaar kii jurraat kahaaN se laayeN

(aazmuudahkaar : ?)

hai aaj bhii nigaah-e-muhabbat kii aarzuu
par aisii nigaah kii qiimat kahaaN se laayeN

Moin Ahsan Jazbi

To receive free updates on new Ghazal, Nazm and Mushaira postings, please visit subscribe for options.