ko’ii daaGh hai mere naam par
(1 votes, average: 5 out of 5)
Loading ...ko’ii daaGh hai mere naam par
ko’ii saayaa mere kalaam par
(daaGh : blemish)
ye pahaaR hai mere saamne
ke kitaab manzar-e-aam par
(manzar-e-aam : in public)
kisii intizaar-e-nazar meN hai
ko’ii roshnii kisii baam par
(baam : terrace)
ye nagar parindoN kaa Ghol hai
jo giraa hai daana-o-daam par
(Ghol : nest; daana-o-daam : ?)
Gham-e-Khaas par kabhii chup rahe
kabhii ro diye Gham-e-aam par
hai “Munir” hairat mustaqil
maiN khaRaa huuN aise muqaam par
(mustaqil : continously; muqaam : situation)
Munir Niazi
To receive free updates on new Ghazal, Nazm and Mushaira postings, please visit subscribe for options.
