aa’iinaa ban ke baat kartii dhuup
dil kii diivaar par barastii dhuup
mere andar bhii dhuup kaa aalam
mere baahar bhii raqs kartii dhuup
(raqs : dance)
us kii aaNkhoN meN Khemaa-zan dekhii
aik ek buuNd ko tarastii dhuup
(Khemaa-zan : sheltered)
aa’iinaa dekh kar ThiThaktii hai
ghar kii diivaar se utartii dhuup
taaq-e-maazii meN chhup ke baithii hai
Khauf se kaaNpti laraztii dhuup
(taaq : vault; maazii : past; Khauf : fear)
apnaa lahjaa “Mateen” aisaa hai
jaise dariyaaoN meN utartii dhuup
Ghayas Mateen
{ 1 comment… read it below or add one }
aaj subha jab maine apni mail ID kholi aur us me jab maine urdu ki website dekhi aur use login kiya bhir us me jab ghazal aur nazam dehki to mughe bahot khushi hui. mughe sher o shayree ka bahot shok hai. aur mai Rudauli se taluk rakhta hun. mera ghar mohalla salar me hai. mere ghar se kuch hi kadam dur Janab majaz marhoom ka ghar hai. aur mere nana jinka naam Shah khalil Ahamed hai. who Quami awaz me mulazim the. unki ek anjuman hai jis ka naam Shabina culab hai. who har saal majaz day karaya karte the lekin ab un ki tabyat kharab rahti hai is waja se who mushaira nahi kara pate hai. aur mai bachpan se mushaira sunte aa raha hun. kyun ki sare shayer mere ghar ke bahri kamre me rukte the khana peena kha kar khir jahan mushaira hota tha wahan jate the. to is liye aaj is site ko dekh kar bahot khushi hui. aur ab inshaallah ab is ke zarye ghazal aur nazam whagaira ka lutaf uthawog.