Aligarians.com

duur tak silsilaa-e-daar hai kaise soyeN
zindagaanii se hameN pyaar hai kaise soyeN

(silsilaa-e-daar : gallow lines)

vo jise zohra-zabiinoN kii nazar lagtii thii
zulf-e-hastii meN giraftaar hai kaise soyeN

(zohra-zabiinoN : the beautiful ones; zulf-e-hastii : tresses of existence)

zindagii duur hai aur maut bhii kuch paas nahiiN
na to saahil hai na manjhdaar hai kaise soyeN

ye Khabar bhii hai ke KhvaaboN ke dariiche ke qariib
ab bhii paazeb kii jhankaar hai kaise soyeN

(dariichaa : window)

apnii aashaaoN ke kuch phuul kiye mandir meN
ko’ii apnaa saa gunaah-gaar hai kaise soyeN

vahii “Iqbal” jo thaa kaj-kulaa-e-shahr-e-nishaat
ye sunaa hai vo sardaar hai kaise soyeN

(kaj-kulaa : tilted headgear; shahr-e-nishaat : city of happiness)

Iqbal Umar

To receive free updates on new Ghazal, Nazm and Mushaira postings, please visit subscribe for options.