haath diyaa usne mere haath meN
(1 votes, average: 4 out of 5)
Loading ...haath diyaa usne mere haath meN
maiN to valii ban gayaa ek raat meN
(valii : master)
ishq karoge to kamaaoge naam
tuhmateN baNTtii nahiiN Khairaat meN
(tuhmateN : blemishes)
ishq burii shai sahii par dostoN
daKhl na do tum merii har baat meN
mujh pe tajavvoh hai sab aafaat kii
ko’ii kashish to hai merii zaat meN
rabt baRhaayaa na “Qateel” is liye
farq thaa donoN ke Khayaalaat meN
(rabt : contact, relationship)
Qateel Shifai
To receive free updates on new Ghazal, Nazm and Mushaira postings, please visit subscribe for options.
