sehraa hii Ghaniimat hai jo ghar jaaoge logo
(1 votes, average: 5 out of 5)
Loading ...sehraa hii Ghaniimat hai jo ghar jaaoge logo
vo aalam-e-vahshat hai ke mar jaaoge logo
(aalam-e-vahshat : state of loneliness)
yaadoN ke ta’aqqub meN agar jaaoge logo
merii hii tarah tum bhii bikhar jaaoge logo
(ta’aqqub : to follow)
vo mauj-e-sabaa bhii ho to hoshiyaar hii rahnaa
suukhe hu’e patte ho, bikhar jaaoge logo
(sabaa : breeze)
is Khaak pe mausam to guzarte hii rahe haiN
mausam hii to ho, tum bhii guzar jaaoge logo
ujRe haiN ka’ii shah’r to ye shah’r basaa hai
ye shah’r bhii chhoRaa to kidhar jaaoge logo
haalaat ne shahroN pe bahut zulm kiye haiN
aaiinaa agar dekhaa to Dar jaaoge logo
us par na qadam rakhnaa ke ye raah-e-vafaa hai
“Sarshaar” nahiiN ho ke guzar jaaoge logo
(raah-e-vafaa : path of fidelity)
Sarshar Siddiqui
To receive free updates on new Ghazal, Nazm and Mushaira postings, please visit subscribe for options.
